بمناسبة رأس السنة وأعياد الكريسماس

سارة بنت محمد حسن

١- أنا لازلت بعتبر البنات الي بتخرج بالليل لحفلات من غير ما يكون معاها راجل اخ اب زوج .. تعتبر بنت مش مؤدبة ... هتقولي ياي سوفاج دقة قديمة ... هقولك معلش خلينا يكون فيه صوت ثابت على بقايا العادات القديمة الحلوة

٢- حفلات رأس السنة في التجمعات والمولات ٩٩.٩٩٩٩٩ % فيها منكرات ... واحنا على باب الله الحقيقة مش ناقصين .. بذكركم بس اننا مش ناقصين😅 .. مش كل هيصة ترشقي فيها ربنا يعمر بيتك يا شابة.

٣- العقيدة يا جماعة ... متتساهلوش في قضية العقيدة ...  متتكسفوش من الناس... فتقوموا من الكسفة تروحوا تهنوا النصارى بالكريسماس ... ده حرام بالاجماع ومحدش بضحك عليكم ويقول فيه خلاف وشيوخ قالوا ... خلونا نتمسك بعقيدتنا.

عاوزين تهنئة بسنة جديدة فقط للمسلمين ماشي.

تهنئة للنصارى مش بالاعياد بتاعتهم لالا للسنة الجديدة او لمناسبات دنيوية دي فيها خلاف .. حرام وهو معتمد مذهبنا / يكره ده قول تاني في مذهبنا / يجوز لو بنية ورجاء إسلامه ده قول لبعض الحنابلة.. معرفش باقي المذاهب في تهنئة غير المسلمين بالمناسبات الدنيوية.

ده ايه؟ السنة الجديدة الي هو على اد كل سنة وانتو معندكوش كورونا  ماشي... بس مش في اعيادهم الدينية ولا بمناسبة اعيادهم الدينية.

بس الاول اتاكدي انك انت نفسك فاهمة الفرق بين سنة جديدة واعياد النصارى ٧ يناير و٢٥ ديسمبر... وكمان فاهمة الفرق في حتة احتفالات راس السنة وطبيعتها وبين يادوب هقول كل سنة وانت طيبة😅 متبقيش يا جميلة ملغبطة كله على بعضه وتقوليلي بحتفل وبهني عادي.

نفهم الاول وبعدين نشوف هنعمل ايه.

٤- هابي نيو يير
غير
ميري كريسماس
هابي نيو يير = بتاعت سنة حلوة عليكم
ميري كريسماس = (عيد ميلاد سعيد) ميلاد مين؟ (ميلاد يسوع المسيح ابن الرب) او (ميلاد يسوع الرب) بحسب خلافات المسيحيين العقدية ما بينهم
 اتصدمتي؟
الحمد لله
متقوليهاش تاني لا لمسلم ولا غير مسلم

٥- شجرة الكريسماس بتاعت ٧ و٢٥ بتتعمل في راس السنة .... هتقولي ههنيهم بالعام الجديد فقط على قول الكراهة أو الجواز رجاء إسلامهم  .. ماشي بس ده مش معناه انه ينفع نعمل شجرة كريسماس ونحط النجمة ونعمل مغارة لا في بيتنا ولا في بيوتهم ولا نروح نحتفل في مكان بيعمل كدة
 

وادي رابط عن دلالات الشجرة
https://m.facebook.com/story.php?story_fbid=10216129031692830&id=1661765475

٦- الرموز الدينية بتاعت النصارى في راس السنة متنفعش تبقى محل استسهال ... نتمسك بديننا وبعقيدتنا يا ناس.

احنا ناقص نلاقي مسلم بيغني في قداس الكنيسة .. مينفعش ...  عقيدتهم مختلفة مع عقيدتنا احنا موحدين يا جدعان... ايه الي جرى لكم.


٧- سمعت ان بعض المسلمين يكتبون على صفحات السوشيال ميديا في هذا الوقت من العام رسائل الى بابا نويل/ سانتا كلوز/ القديس الذي يوزع هدايا الرب! مفاد الرسايل طلبات وأمنيات للعام الجديد!

هذا الفعل محرم قد يصل بصاحبه إلى الكفر والشرك والعياذ بالله.

من الآخر: كفاية "استهبال" في أمور تتعلق بعقيدتنا.


سارة بنت محمد حسن