فاصل عشان نفتكر احنا فين

سارة بنت محمد حسن

فاصل عشان نفتكر احنا فين
🌹 ركزوا في كل حرف🌹

👈🏿ممكن يتقال انه الحاجات دي يعني ساعات بتجيب فايدة....هي الفايدة دي مش تعتبر تجربة حسية؟

سؤال مهم جدا
هل مجرد وقوع الفايدة تعتبر تجربة حسية؟
طب هسالكم سؤال
هو الي بيمارس سحر الحب...يعني يسحر زوج عشان يحب زوجته او العكس
هل ده بيحيب فايدة ولا لا؟ 🤔
بيجيب فايدة 😌
وكل السحر حتى المضر بيجيب نتايج

☘بس ده مش تجربة حسية ولا شرعية!

ومحرم وفيه انواع من السحر كفر وانتم عارفين كدة كويس

وكمان الي بيذبح للقبر وبيصلي للقبر وببقول مدد يا شيخ فلان ..والصوفية لهم خروق للعوايد معروف...لكن فاكرين قول الشافعي: لو رايت الرجل يطير في الهواء ويمشي على الماء لا اغتر به حتى اعرض امره على الكتاب والسنة

وابن تيمية له رسالة اسمها الفرقان بين اولياء الرحمن واولياء الشيطان

👈🏿 طب بس احنا بنحس انه فيه قوة للحسد وقوة للغضب ولما بندخل مكان بنلاقيه متوتر بسبب توتر الناس ووو الخ
مش كل ده حاجات تدل على انه فيه طاقة سلبية وايجابية؟؟

🍃🌹 كل دي ظواهر فعلا بنحسها...ولها تفسير علمي او شرعي معروف او تفسير مش معروف

لكن نركز هنا
الروح الي جوانا دي موجودة طبعا وعدمها يعني الموت ...ومع ذلك احنا منعرفش نوصف الروح وربنا قال:" ويسألونك عن الروح قل الروح من أمر ربي وما أوتيتم من العلم إلا قليلا"

مش هتقدر تفسر ظاهرة وجود الروح وعدم وجودها الا عن طريق الشرع...وممكن تفسر علامات معينة للموت بالطب...

كمان الروح بتمرض فعلا وفيه اتصال بين الارواح دي ظاهرة..وممكن افكر في حاجة تجيلي او اكره حد من اول لقاء او احبه....الخ ممكن ده بيحصل ..لكن مش دايما بيحصل ولا بيحصل بتكرار له نسق علمي ...بيحصل ساعات ...

🌺بس فين المشكلة؟🌺
المشكلة في تفسير الظواهر دي من خلال عقيدة وثنية ملهاش علاقة بالعلم التجريبي
وطبعا ملهاش علاقة بالشرع...ومحاولات الاسلمة ظلم كبير للدين وهنشرح لسة ان شاء الله

🌿ده بينبني عليه تصرفات واخذ باسباب لا شرعية ولا حسية تعتبر حكمها في الشرع شرك او مؤدية للشرك

معظم الاسباب دي زي الكريستال وسوار الطاقة وتهيؤات اليوجا وفك خيوط الطاقة ..ووو هي خرافات وثنية لو جابت نتيجة مرة از مرات ممكن متجبش مرات...والموضوع مش مبني على اسباب حقيقية ..لا ،دي حاجات العلم بيعتبرها عشوائية غير قابلة للخضوع لمنطق البحث العلمي ولا لنسق محدد ...

واما في ديننا فهي بتحصل بقدر الله ولطفه ونعمته ...عشان نعرف انه الكون له خالق وانه موجود ولطفه وقدره بيحيطوا بالعبد..لا بقوة العبد ولا باليوجا ولا بتامل...فيزداد المؤمن ايمانا ويغتر الكافر ان لم يتداركه الله برحمته

...وطبعا لما بتفشل التجربة دي بيبداوا يكرروها بطريقة اشد اعتمادا على الذات وقوتها ووو بتتضخم الذات جوانا ...بيتضخم البعد عن ربنا بجد..العلم التجريبي ممكن يؤدي للالحاد لو اغتر الواحد بيه فما بالكم لو حد اغتر بقوة نفسه واعتبر لطف الله بيه لما جاله مرة اعتبره قوى ممكن يتحكم فيها ويستجلبها ويلمها من الكون ويؤثر !

✨عشان كدة الي مشي في السكك دي حبة حبة بيسيب حاجات من دينه ومن سنة النبي ويبدأ ياخد سكة التصوف والدروشة ...فينسلخ من الدين من غير ما يحس...ويستبدل حلاوة الايمان بحلاوة الشعور بالقوة والانا والتاثير الذاتي ...وده قمة الخذلان

ودي مش حاجات مشروعة مادام مفيهاش نصوص صحيحة في الشرع فهي اصلا مش اسباب شرعية ولو كانت خير صدقوني كان علمه لينا النبي بوضوح
وفيه منها حاجات لها اصول في السحر حتى لو خلوه سحر ابيض مش اسود هيفضل سحر..

🌸فبنكرر ...احنا مش بننكر ظواهر بتحصل
احنا بننكر تفسيرها بطريقة لم تثبت علميا ...ولا ثبتت شرعا ...

🌸بنستنكر اتخاذ اسباب للعلاج او للهدوء والراحة والنجاح وصفاء الروح ووو الخ طالما الاسباب دي متعلقة بالتفسير الي جايلنا من ديانات وثنية بدون اثبات علمي تجريبي

وطول ما بنقدر نفصل السبب التجريبي المحسوس عن خزعبلات الوثنية فاحنا مش معترضين عليه...انما الي مش بيتفصل عن فلسفة الطاقة مينفعش نعمله

😓 ده دين يا بشر

✨فرق كبير ✨
بين اني اكرر
👈🏼انت تقدر..انت قوي...بيليف ان يورسلف

وبين اني اكرر
👈🏼حاول واستعن بالله ولا تعجز
انت ضعيف الا بالله
انت فقير الا بالله

وده ميمنعش اني اعرف قدراتي واستغلها...لكن معتمدتش عليها فتخذلني 😔

🌹اللهم لا تكلنا الى انفسنا طرفة عين ابدا🍃



لقراءة المقالات السابقة اشترك في
قناة التنمية البشرية
https://telegram.me/A_T_B