الملح...بين العلم والخرافة!!

سارة بنت محمد حسن

هو الموضوع مش خاص بس بالملح هو خاص باي مادة....
👈 الشبهة اتسمت شبهة ليه؟؟
لانها "شبه" الحق رغم انها باطل

طيب نركز
هل الملح له فوايد؟
😂 طبعا...مطهر ولنغسل بيه الفراخ مع الخل عشان البكتريا
وله استخدامات في الطب الشعبي...فاكرين حلقة الينسون؟؟ 😂😂

طيب نركز
المية والملح ورد في بعض الاحاديث الي قد تكون ضعيفة او مختلف في تصحيحها ان النبي صلى الله عليه وسلم عالج بيها من لدغة العقرب

وبصفة عامة مية سخنة وملح ممكن تسحب سم العقرب من الجسم ..ده تجربة حسية ولها علاقة بفرق الضفط او الكثافة للمواد وطبيعة تركيبها

واحنا كمسلمين مؤمنين بالرقية طبعا فلو رقينا واحد ملدوغ + عالجناه بالملح الي هو علاج محسوس....فده عادي ومشروع ومفيش فيه اشكال

🤔 طب بدل الرقية هنبرطم بتعويذة او هنحرك ايدنا لفك خيوط الطاقة ..او هنعمل ده مع رقية شرعية...ينفع؟

😝 لا
كدة حولنا الوسيلة العلاجية الشرعية والحسية لوسيلو "شركية"

شركية⁉️
😱😱😱
اه شركية

اذن انا عندي ظاهرة ..هي علاج السم بالملح والمية
لو فسرتها علميا وقدرت افسر...انا كدة صح
لكن لو فسرتها بمعتقد وثني بتاع الطاقة الكامنة في الكون والمواد...صرت على اعتاب الشرك اذا مكنتش وقعت فيه😱

ومن هنا نعرف ان مسح البيت بالملح عشان الطاقة السلبية...ووضع كريستالات هرمية عشان تزود الطاقة الايجابية ...كل ده شرك او مؤدي للشرك

ومتقولوش ان فيه رقاة بيرقوا من العين بالقرآن على المية وزيت الزيتون والملح....لان الرقية على مادة زي المية والزيت ووو مختلف في جوازها بين العلماء....
💥والرقية من العين واللدغة ملهاش علاقة بنشاط يومي لطرد الطاقة السلبية وشحن الطاقة الايجابية

👈كمان نفهم انه اعتقاد ان الرقية (حتى لو بالقران) شحنت المادة بطاقة والطاقة دي مؤثرة بذاتها ده شرك ....وناخد بالنا ان بتوع الطاقة في الاصل مش بيفرقوا بين شيخ وقسيس 😂
كل القديسين عندهم طاقة بوذيين بقى ولا نصارى ولا يهود مش فارق...لان الطاقة مؤثرة بذاتها وكل شخص ممكن يتحكم فيها لو مارس طقوس معينة مهما كانت ديانته

😂😂طب انا مسلم وهقول الطاقة مؤثرة "بإذن الله"...بقى شرك اصغر لان الطاقة دي اصلا مش سبب محسووووس...ده سبب خزعبلي..خرافة...عقيدة وثنية ..وبكرر ان هنثبت ده ضمن الحلقات باذن الله



لقراءة المقالات السابقة اشترك في
قناة التنمية البشرية
https://telegram.me/A_T_B