سلسلة مقالات
حكايات الحجة (3)

سارة بنت محمد حسن

- شوفي يابنتي
إياك تفتكري أن اللي مش بتصلي ولا لابسة حجاب دي وحشة أبدا أبدا حتى لو ماتت كدة
دي ممكن تكون أحسن من اللي بتصلي ولابسة نقاب كمان
أصل المهم القلب
.
- شوفي يا حجة
إياك تفتكري أن اللي شتمتك أو ضربتك أو اتريقت عليك دي وحشة
دي ممكن تكون بتحبك أكثر من اللي بتعاملك كويس وبتبذل عشانك كل حاجة حلوة
أصل المهم القلب
..
عمرك ما هتقولي كدة على اللي بتعاملك وحش وهتعتبري أن قلبها مليان حقد وكراهية من عمايلها
اشمعنى في الدين بتفترضي أن القلب حاجة والعمل حاجة؟؟
العمل ده ناتج عن اللي في القلب لو العمل وحش يبقى القلب وحش
أيوة ممكن يكون واحد بيتظاهر أنه كويس يعني منافق نسأل الله العافية
وأيوة منعرفش مين يتختم له بأيه ربنا يرزقنا حسن الخاتمة
لكن خليك واقعية واشتغلي صح بقلبك وعملك سوا وبطلي تفترضي كلام مش واقعي
هم 3 أحوال والرابعة أي كلام
1- واحد ظاهره وحش وقلبه وحش...ربنا يعافينا
2- واحد ظاهره حلو وباطنة وحش...ربنا يعافينا
3- واحد ظاهره حلو وباطنه حلو ..يارب يجعلنا منهم
.
4- والافتراض المستحيل أنه يكون باطنه حلو وظاهره وحش لحد ما يموت ..مستحيل
.
طب وممكن يكون حد ظاهره كويس ووحش ...أه ومعناها أن قلبه فيه حلو ووحش
-----------------


حكايات الحجة ^_^

-- يا بنتي أنت زهقتيني كل شوية اعملي ده فرض واعملي ده سنة...أما ربنا يريد كل حاجة هتتظبط لوحدها

-- يا حجة أنا برضه شايفة أنك لما تجوعي وتعطشي متاكليش ومتشربيش ولما ربنا يريد هتشبعي وترتوي لوحدك ^_^

بناخد بأسباب الدنيا لبلب وشاطرين ...لكن في أسباب الآخرة أما ربنا يريد؟؟

ربك أحب وأراد شرعا في القرآن والسنة
فمن أراد الجنة فهي سلعة الله ...ادفع ولو حياتك وبطل كسل